അവള്‍ മുഖമുയര്‍ത്തി കൈകള്‍ പിറകില്‍ മണലില്‍ ചേര്‍ത്ത് നിവര്‍ന്നിരുന്നു.. കടലിനെ നോക്കി ദീര്‍ഘമായി നിശ്വസിച്ചു.. നിശ്വാസത്തിനൊത്തുയര്‍ന്നു താന്ന അവളുടെ നിറഞ്ഞ മാറിലേക്ക് അലക്ഷ്യമായി നോക്കി അയാള്‍ നെടുവീര്‍പ്പിട്ടു. അവള്‍ തല വീണ്ടും അയാളിലേക്ക് ചരിച്ച് പതുക്കെ പറഞ്ഞു..
"നിന്റെ ചുണ്ടുകള്‍ക്ക് ഉപ്പിന്‍റെ രുചിയാണ്.."
അയാളുടെ ചുണ്ടില്‍ ഒരു നനുത്ത ചിരി പരന്നു.. ആ ചിരിയില്‍ അവിടം മൊത്തം ഇളകി തെറിക്കുന്നതായി അവള്‍ക്കു തോന്നി.. എത്ര രാത്രികളില്‍ തന്‍റെ ഉറക്കം കെടുത്തിയിരിക്കുന്നു ഈ ചിരി..
അയാള്‍ കാലില്‍ പുരണ്ട മണല്‍ തരികള്‍ കൈകൊണ്ടു തട്ടി കളഞ്ഞ്കൊണ്ട് ഒരു നിമിഷം എന്തോ ചിന്തിച്ചു.. പിന്നെ, അവളുടെ വിടര്‍ന്ന മനോഹരമായ കണ്ണുകളിലേക്ക് നോക്കി ചോദിച്ചു..
"ഈ പരന്നു കിടക്കുന്നത് ഒരു വലിയ മരുഭൂമിയായിരുന്നുവെങ്കില്‍ നീ എന്ത് പറയുമായിരുന്നു?"
കടല്‍ അലകളൊതുക്കി അവളുടെ മറുപടിക്കായി കാതോര്‍ത്തു..
"മയക്കുന്ന മരീചികകള്‍ നിറഞ്ഞ മരുഭൂമി.." അയാള്‍ കൂട്ടിച്ചേര്‍ത്തു..
കാറ്റില്‍ ഭ്രാന്തമായി ഇളകി പറന്ന കുറുനിരകളെ മാടിയൊതുക്കാന്‍ ഒതുക്കാന്‍ മിനക്കെടാതെ, തെല്ലു ആലോചിക്കാതെ അവള്‍ പറഞ്ഞു..
"മരുപച്ചകളുടെ രുചി എനിക്കറിയില്ല.."
No comments:
Post a Comment